2018年1月2日星期二

又姣又騷



 
 
 
又姣又騷

唔好以為我講乜嘢?我講嘅係

呢度啲豬扒也包括豬肉,有啲真係又姣又騷(又鞋又羶),都唔知啲老番點頂?

通常我會用港式茶餐廳醃法,咁就即時變得又好又鬆(又姣又騷)。

我又會將豬扒,起埋啲骨留番㷛湯。咁嗰啲無骨豬扒最好愛嚟炸或煎,做洋蔥豬扒、芝士焗豬扒飯就認真開胃,冇得輸啦!

∼∼∼∼∼∼∼∼∼∼∼∼∼∼∼∼∼∼∼∼∼
以下是醃豬扒的方法

通常我會揀近梅頭位置的豬扒,就係鍾意呢度有啲肥而且冇咁韌!

主要醃料(約一斤多少少的份量):
一湯匙生粉
一湯匙廚酒
一湯匙生抽
一隻細號雞蛋
疏打粉一茶匙
鹽、糖、雞粉、胡椒粉、水適量
(也有人會落少少五香粉,說是用來辟雪味喎)

其實這個醃法很簡單,相信很多朋友都知道。而以上醃料亦要因應豬扒本身質地或有增減,所以是不能一概而論的。

∼∼∼∼∼∼∼∼∼∼∼∼∼∼∼∼∼∼∼∼∼
後記:
本來這篇沒打算寫的,原因是最近我加入了一個Facebook 煮食專頁。
那裡可真是人頭湧湧
當我推出兩篇帖文後,未幾便呃了很多個like和評論(見圖),而我的算是小兒科了,因曾見過有些回應亦不乏過千。
所以,近日來我實在很忙哈哈!